Ergashova Bahora Sayfullayevnaning 'Mehr shamoli' nomli kitob-to'plamining taqdimoti

15-noyabr kuni O‘zbekiston davlat jahon tillari universiteti Tarjimonlik fakulteti qoshidagi Italyan tili tarjima nazariyasi va amaliyoti kafedrasi mudiri Ergashova Bahora Sayfullayevnaning 'Mehr shamoli' nomli kitob-to'plamining taqdimoti bo‘lib o‘tdi. Tadbirda Tarjimonlik fakulteti Ilmiy ishlar bo‘yicha dekan muovini M.Musabekova, Roman-german tillari tarjimashunosligi kafedrasi, Arab tili tarjima nazariyasi va amaliyoti kafedrasi professor-o‘qituvchilari hamda talaba-shogirdlar faol ishtirok etishdi.

Mazkur taqdimot davomida Ergashova Bahora Sayfullayevna o‘zining she’riy kitobini yaratilish tarixi haqida batafsil ma’lumot berdi. Kitobda uning ichki dunyosini, his-tuyg‘ularini o'z tajribalari orqali inson ruhiyatini tasvirlashga harakat qilganligi alohida ta’kidladi. 'Mehr shamoli' she’riy to'plami o‘zining go‘zalligi va sodda tilda yozilganligi bilan she'riyat ixlosmandlarini o‘ziga jalb etdi.

Taqdimot yakunida professor-o‘qituvchilar kitob haqida o‘zlarining iliq fikrlarini bildirishdi va Ergashova Bahora Sayfullayevnaga keyingi ijodiy ishlarida omad tilashdi. Talabalarning she’rlarni ifodali o‘qib berishlari tadbirga o‘zgacha ruh qo‘shib, mehmonlarga unutilmas lahzalarni taqdim etdi.