2024-2025 o‘quv yili uchun “REKTOR STIPENDIYASI!”

O‘zbekiston davlat jahon tillari universitetining italyan tili yo'nalishi bo'yicha tahsil olayotgan 2-kurs magistranti Otaxonova Munisxon 2024-2025 o‘quv yili uchun “REKTOR STIPENDIYASI!” tanlovi g‘olibi bo‘ldi.

Munisxonning bu yutug‘i uning akademik faoliyati va ilmiy ishlardagi erishgan muvaffaqiyatlari natijasidir. Uning ta’lim olishga bo‘lgan yuksak ishtiyoqi, mehnatsevarligi va intilishlari bu yutuqqa erishishiga yordam berdi. Bu muvaffaqiyat uning kelajakdagi ilmiy va kasbiy faoliyatiga katta turtki beradi.

Biz Otaxonova Munisxonni ushbu yutug‘i bilan tabriklaymiz va uni yanada yuqori marralarni zabt etishiga tilakdoshmiz. Italyan tili tarjima nazariyasi va amaliyoti kafedrasi jamoasi ilmiy va ijodiy ishlarda unga muvaffaqiyatlar tilab qoladi!