It
Italiya bilan hamkorlikning yangi bosqichi
O‘zbekiston davlat jahon tillari universiteti Italian tili tarjima nazariyasi va amaliyoti kafedrasi hamda Italiyaning nufuzli Università degli Studi dell’Insubria universiteti o‘rtasida Anglashuv memorandumi imzolandi. Ushbu memorandum ikki oliy ta’lim muassasasi o‘rtasida xalqaro hamkorlikning yangi ufqlarini ochib berdi.
Shartnomaga muvofiq, 2023/2024 o‘quv yilining bahorgi semestrida Università degli Studi dell’Insubria universitetiga o‘n nafar iqtidorli talaba-qizlarimiz yuboriladi. Ushbu loyihaning asosiy maqsadi – talabalar uchun nazariy bilimlarni amaliyotda qo‘llash imkoniyatini yaratish, xalqaro tajriba almashinuvi jarayonlarini chuqurlashtirish va ularning professional ko‘nikmalarini yanada rivojlantirishdir.
G'oliblar quyidagilar:
| Talaba | Guruh | |
|---|---|---|
| Gulmira Vasliddinova | Magistrant |  |
| Muhayyo Odilxo'jayeva | 2217 |  |
| Muxlisa Azzamkulova | 2217 |  |
| Go'zaloy Nazarqulova | 2216 |  |
| Marjona Yo'ldosheva | 2318 |  |
| Sevinch Mamurjonova | 2317 |  |
| Zuhra Maxamadyaminova | 2316 |  |
| Sevinch Erkinova | 2316 |  |
| Sevinch Reymbayeva | 2315 |  |
| Anastasiya Kim | 2315 |  |
Mazkur tashabbus mamlakatimizda xorijiy tillarni chuqur o‘rgatishga, xalqaro ilmiy hamkorlikni mustahkamlashga qaratilgan davlat siyosatining uzviy davomidir. Ishonchimiz komilki, bu kabi loyihalar nafaqat yosh avlodga keng imkoniyatlar eshigini ochadi, balki O‘zbekiston va Italiya o‘rtasidagi madaniy-ma’rifiy aloqalarni mustahkamlashga ham xizmat qiladi.