Talabalarimiz Milanda

• 15-fevral, 2025

Italyan tili yo‘nalishining 3-bosqich talabalari Nishonova Mo'tabar (TITA-2217) va Akbarova Hakima (TITA-2216) nufuzli Erasmus+ dasturi doirasida IULM universitetida besh oy davomida tahsil olish imkoniyatiga ega bo‘ldilar. Ushbu davr mobaynida ular tarjimashunoslik yo‘nalishidagi bilimlarini chuqurlashtirib, amaliy ko‘nikmalarini rivojlantirishadi.

IULM universiteti xalqaro talabalarga yuqori sifatli til va kommunikatsiya bo‘yicha ta’lim beruvchi yetakchi oliygohlardan biri hisoblanadi. Talabalarimiz bu muhitda zamonaviy lingvistik tadqiqotlar bilan tanishib, qimmatli tajriba orttiradilar.

Erasmus dasturi orqali ta’lim olish ularga nafaqat ilmiy bilimlarini chuqurlashtirish, balki madaniyatlararo muloqot ko‘nikmalarini rivojlantirish imkoniyatini ham taqdim etadi. Biz Nishonova Mo'tabar va Akbarova Hakimaning bu dasturdan unumli foydalanib, universitetimiz va mamlakatimiz kelajagi uchun foydali bilimlarga ega bo‘lishlariga ishonamiz.

Bu kabi dasturlar talabalarning xalqaro maydonda raqobatbardosh bo‘lishiga xizmat qiladi va ularni o‘z sohasining yetuk mutaxassislari sifatida shakllanishiga yo‘l ochadi. Talabalarimizga muvaffaqiyat va sermazmun o‘qish davrini tilaymiz!