It
Akademik rivojlanish sari: Dildora Allamuradova Perudjada
Mamnuniyat bilan e’lon qilamizki, O‘zbekiston davlat jahon tillari universiteti Tarjimonlik fakulteti Italyan tili tarjima nazariyasi va amaliyoti yo'nalishi talabasi Dildora Allamuradova Erasmus+ dasturi doirasida Italiyaning Perudja Xorijliklar Universitetida tahsil olish imkoniyatini qo‘lga kiritdi.
Dildora Allamuradova ushbu nufuzli universitetda italyan tili va madaniyatini chuqur o‘rganish, shuningdek, xalqaro tajriba orttirish maqsadida bir semestr davomida tahsil oladi. Perudja Xorijliklar Universiteti – butun dunyodan kelgan talabalar uchun Italiya tili va madaniyati bo‘yicha yetakchi oliygohlardan biri hisoblanadi.
Bu safar ilmiy va madaniy jihatdan boy tajriba bo‘lishi shubhasiz. Dildora universitetning zamonaviy ta’lim uslublari va xalqaro muhitidan foydalanib, o‘z bilim va malakasini yanada rivojlantirish imkoniyatiga ega bo‘ladi.
Biz Dildora Allamuradovaga Perudjada muvaffaqiyatli o‘qish va unumli tajriba orttirishini tilaymiz!